Процесс Бүүткэмп

Процесс бүүткэмп гэж юу вэ?

Воркшоп, дадлага, сургалт, шинжилгээ, зөвлөгөөгөөр бодит гарцыг бий болгох 3.5 өдрийн үйл ажиллагаа юм.
Процесс бүүткэмпийг байгууллага дээрээ авах нь тохиромжтой. Учир нь процессыг дагах, процессын зураг авалт ажлын байранд хийгдэх юм. Байгууллагын үйл ажиллагаа, дэд бүтцийн онцлогоос хамааран орчноосоо гарч өөр байршилд явуулж болно.
Бүүткэмпийн захиалгыг өгөхдөө байгууллага энгийн эсвэл ачаалал багатай үедээ оролцогчид ажлын 3.5 өдөр бүтэн цагаа зарцуулах ёстойг бодож өдрөө сонгоорой.

Байгууллага өдөр тутмын үйл ажиллагаагаа жигдрүүлэх, хэрэглэгчиддээ үнэ цэнийг хүргэхийн тулд ажиллаж байдаг. Гэвч менежментийн чадавх, байгууллагын бүтэц, ажиллах хүчний тогтворгүй байдал зэрэг нь үйл ажиллагааг комплекс болгож, хэрэглэгчийн хэрэгцээ, шаардлагыг олж харж, бизнесийн гарцаа сайжруулахад сорилт болдог.
Нэн тэргүүнд гол процессоо барин авч, хэрэгжүүлэх арга замаа оновчлон тогтоох нь бизнест ба ажилтнуудад олон талын үр өгөөжийг авчирдаг.
Бүүткэмп гэдэг нь өгөгдсөн хугацаанд процессоо тодорхойлж, шинжилж, ажлын алхмуудыг шаардлагын хэрээр стандартчилж, процедур бий болгоход Зөвлөх-тэй хамт төвлөрөн ажиллах юм.

Байгууллага багаараа 3.5 өдрийн турш процессын мэргэжилтэнтэй хамтран нэг гол процессоо сонгон авч зураглалыг гаргаж, шинжилгээ хийж, процессын шалгуур үзүүлэлтээ тогтоож, сайжруулах боломжийг эрэлхийлж, тухайн процессыг удирдах оновчтой аргаа тогтооно.
Процессын шинжилгээгээр процессын эзэн, шийдвэр гаргалт, дамжуулалт, түүнд оролцож буй коммуникац, ажил, ажилбаруудыг хэрхэн гүйцэтгэж буй байдал зэргийг авч үзнэ.
Ингэж ажилласнаар байгууллага процессын одоогийн байдлаа тодорхойлоод сайжруулалт хийнэ.
Багийн гишүүд процессоо удирдах, шинжилгээний чадвар, туршлагатай болно. Энэ загвар ба дадлагаар дараа дараагийн процессын шинжилгээг багаараа хийх чадавх, мэдлэг бүрэлдэнэ.

Агуулга, хүргэх түүлс